قصيدة:هذا وجهي

بقلم:«راشد علي المرمضي»

الماهو گدهه لا يصير ابراسي شيخ
الما يحطني إعگال ماشده ابحذاي

الـزيـن مـايـحـتـاج تـشـرلـي عليـه
الـزيـن اميزنـه وأنـه مـطّـي گفـاي

اعناد بيه اويه الهوي لو يمي فات
بيدي أگطعه وابقئ اشمن من هواي

هـو ذاك الـمـادخـل عمـره مـضيـف
عيـب تـسمـع منـه لـو گـالالـه راي

صاحب الگصـه الي تعـرگ بلعتـاب
ولا تصاحب گصه ما متروسه ماي

صاحب الصاح اليگلك هل اجيت
اشكثر سامع انت روح وانه جاي

شايل الربعي خلـگ ماشـالـه نـوح
بلفـرح دف بل حـزن يلگونـي نـاي

رجلي ما حس بيهه منگد الركاض
ومنكثر عد عينك آنه إتجف لهاي

ربعي، عدهم ماي بس ظمو علي
وهما لو لچهم ضمه يلگوني ماي

البيه الكفايه ويريد ايذمني عـود
هذا وجهي ولا يضل يحچي وراي

ما اريـد الصاحـب الماهـو عجـيـد
وما أريد الما صبح نجمه إبسماي

صاحب الطلباني عين انطيته عين
هـو فـتـش گـام عـيـرنـي ابـعـمـاي

كلمات الشاعر الشاب

راشد علي المرمضي